KNORRIGE ADAM
Nie net vroue gaan deur die “menopouse” nie. Iets soortgelyks gebeur met mans. Ook hulle kan ná 45 fisieke en emosionele simptome ervaar soos ’n gebrek aan energie, warm gloede, buierigheid, lae libido en probleme in die bed. Dié veranderinge weens ’n testosteroontekort is geleidelik en subtiel. Mans práát ook nie sommer daaroor nie. Maar vra jy spesifieke vrae, is dit duidelik die simptome is al ’n ruk reeds daar. “Het jou libido afgeneem?” “Ja. Maar geleidelik.”
“Het jou energievlakke gedaal?” Ditto.
Testosteroontekortsindroom (TTS) kan met enige man ná 45 gebeur. Testosteroonvlakke verlaag van 25 af en op 80 is dit laer as voor puberteit. Nie alle ouer mans het TTS nie en die simptome se intensiteit verskil. (Adam, of is een van die ouer benamings daarvoor.)
Mans het testosteroon nodig om gesond te bly. Dié met ’n tekort verloor spiere en sit gewig aan, veral om die maag. (Dis ’n nare kringloop: Vet om die maag breek testosteroon af, wat jou nóg meer gewig laat aansit.) Jou risiko is dan groter vir
metaboliese sindroom (vetsug, hoë bloeddruk, hoë cholesterol en insulienweerstandigheid sáám) en diabetes. Jou beendigtheid verlaag en jou risiko vir osteoporose is dus groter.
Testosteroonaanvullings word op drie maniere toegedien: ’n Pil: Jy moet dit tot drie keer per dag neem. ’n Inspuiting wat jy elke twee weke moet kry.
Die beste is ’n inspuiting wat sowat 3-4 maande werk.
Newe-effekte: Jy kan dalk aknee of vergrote borste kry, maar dit gebeur selde. Testosteroonaanvullings word nie vir mans gegee wat nog kinders wil hê nie omdat dit met die vervaardiging van sperms kan inmeng. Ook mans met ’n geskiedenis van prostaat- of
borskanker, of wat prostaatkanker het. Dit help nie dadelik nie, maar jy gaan waarskynlik ná ’n maand of wat reeds beter begin voel.
Die gebeur soms dat TTS-simptome verbeter net omdat jy jou leefstyl verander. Dit sluit in ’n gesonde dieet, oefening, gewigsverlies, moenie rook nie en drink minder alkohol. Ontlaai stres op ’n gesonde manier – dit onderdruk testosteroonvlakke.