Leesdinge
Chris Rainier (Earth Aware, R1 050)
Die bekroonde Kanadese dokumentêre fotograaf Chris Rainier reis na die uithoeke van die wêreld om inheemse en bedreigde kulturele rituele te fotografeer. Dertig jaar gelede het hy die eerste keer maskers in Nieu-Guinee afgeneem. So is sy belangstelling geprikkel om tradisionele maskers te soek en te dokumenteer voordat die kulture uitsterf. Vandag word van dié maskers nog net in museums se glaskaste gesien. In Mask vang hy die rituele en danse voor sy lens vas wat steeds deel van volke se kulture is. Jy beleef saam met hom die misterieuse inisiasie-rites van Burkina Faso, geheime gebedsrituele van die monnike verskuil in Nepalese kloosters diep in die Himalaja, die beeren raafregalia op die feesseremonies van Noord-Amerika se Eerste Nasies, sowel as die skrikwekkende Krampusmaskers van die Oostenrykse Alpe. Sy dokumentêre reis van die afgelope
30 jaar is asemrowend en fassinerend.