’n Droomlys vir jou droomdag
Ná byna ’n dekade in die troubedryf is daar een ding wat die SARIE BRUID-span al goed weet: trou is nie perde koop nie, en ’n troue beplan nog minder! Daarom het ons nou ’n webblad waar jy deur ’n katalogus van ons gunstelingdiensverskaffers kan blaai om met hul hulp jou troue te beplan. Gebruik ook dié platform om jou droomrok te vind – dalk is jou toekomstige rok splinternuut of miskien is dit die gelukbringer wat iemand anders se troudag ook ’n droomdag gemaak het.