STUDENTE DEEL SELFDOENVIDEO’S

Die inperkingstyd was die ideale geleentheid om tyd vir jouself te maak en iets nuuts te leer. Daarom is ons mal oor ’n reeks selfdoenvideo’s deur somatologie-studente aan die Isa Carstens Akademie op dié opleidingsinstansie se Instagram-blad. Hier deel die studente aktiwiteite wat jy maklik tuis kan inspan vir selfsorg en ontspanning. Van hoe jy ’n handmassering in drie stappe doen en hoe jy kruietee vir immuungesondheid maak, tot ’n eenvoudige jogaroetine om styfheid in jou nek- en skouerspiere te verlig. “Hiermee wil ons die ‘isolasie-gaping’ verklein en die hele ICA-gemeenskap gemotiveerd en in kontak hou,” sê Isabel Carstens-Roos, besturende direkteur, oor dié inisiatief.