Jou nuwe SARIE KOS is hier, ons Herfsuitgawe in ’n splinternuwe glansbaadjie en boonop met 50 blaaie ekstra

Ons Herfsuitgawe is gevul met heerlike resepte vir potjiekos tot 10 nuwe planne met pasta vir vinnige weeksaandetes – die geheim in die pastasous. Nog twee staatmakers, sop voorgesit met roosterkoek, sal jou hart warm maak. Saartjie is terug om al jou kosvrae te beantwoord. Ons lig die deksel van ons kontinent se skatkis vol unieke bestanddele. En Herman leer jou stap vir stap drie brode bak. Plus nog baie meer.

Beste van alles is, jy kan SARIE KOS ook digitaal lees op al die bekende platforms soos Zinio en Magzter. Wees op die uitkyk vir die nuwe, voller en geuriger SARIE KOS Herfs.