GESIG VAN DIE MAAND
GISELE BÜNDCHEN
Sy is een van die hoogs betaalde supermodelle in die wêreld en het al op meer as 1 200 tydskrifvoorblaaie gepryk. Tog voel dié 40-jarige Brasiliaan die meeste tuis in die natuur. Dis daar waar sy ontspan en innerlike balans vind. “Innerlike balans is die sleutel tot uiterlike skoonheid. Hiermee kom volwassenheid en selfvertroue. As jy dié balans en jou eiewaarde kan vind, verhelder dit jou lewe van die binnekant na buite.” Só sê sy in ’n nuwe advertensievideo vir Dior se luukse Capture Totale C.E.L.L. Energyvelsorgreeks, waarvan sy sedert die begin van die jaar die gesig is. En sowaar, Gisele stráál van binne én buite!
Lees meer oor die Dior Capture Totale C.E.L.L. Energy-reeks op bl. 93.