Kopie van die maand
Schané Venter, SARIE Voorbladgesig 2019, deel haar gunstelingvoorkoms vir September 2020: kleurblok
Staan dié lente uit met helder, sterk kleure wat jy saam dra. Dink aan ’n kleurwiel – jou drie primêre kleure: rooi, geel en blou, en jou sekondêre kleure: oranje, groen en pers. Hierdie ses werk goed saam in kleurblokkombinasies wanneer jy ’n uitrusting kies. Koop trofee-items in een soliede kleur vir ’n kleurblokuitrusting. Ek probeer altyd my uitrusting neutraliseer met wit of swart skoene, en dan waag ek ook met ’n besige, kleurryke oorbel wat al die kleure saamtrek.