RUIMTE-PARFUUM
Het jy al ooit gewonder hoe dit in die buitenste ruim ruik? Dis dalk binnekort in ’n botteltjie te koop. Dié “parfuum” is ’n dekade terug vir Nasa ontwikkel om in die opleiding van ruimtevaarders te gebruik – dit herinner glo aan “gebrande koekies, rokerige, gebraaide vleis, rum en bessies”. Die Amerikaanse skarefinansieringswebwerf Kickstarter is oorval met donasies van die publiek om “Eau de Space” te vervaardig. In die proses dra hulle by tot skoolprojekte oor wetenskap, tegnologie, wiskunde en opvoedkunde. Bron: CNN.com