LEER JOU EIE SALON BESTUUR

Nou kan jy ook jou pad in die skoonheidsbedryf uitkerf en selfs ’n bestuurder word. Isabel Carstens-Roos, besturende direkteur van die

Isa Carstens Akademie, glo daarin om vroue te bemagtig. Daarom spog die opleidingsinstansie met ’n splinternuwe aanlyn kursus in salon- en spabestuur. Dié deeltydse kursus, wat ses maande duur, is ontwikkel om jou of terapeute wat reeds in die bedryf werk, toe te rus met die vaardighede en kennis nodig om ’n salon of spa doeltreffend te bestuur. Na afloop van die kursus het studente die opsie om deur die wêreld se voorste raad vir kosmetiekstandaarde, Cidesco, geakkrediteer te word sodat hulle internasionaal kan werk. Besoek isacarstens.co.za

Die Isa Carstens Akademie is ’n borg van SARIE Voorbladgesig en SARIE Nuwe Gesig. Die wenner van SARIE Nuwe Gesig (sien bl. 22) kry ’n hele jaar se bederfbehandelings by Isa Carstens se salon op Stellenbosch. Die behandelings sal fokus op ’n tienervel.