FYN LYNTJIES EN PLOOIE
DIE OORSAAK Hoewel die vorming van lyntjies, plooie en laglyne om jou oë onvermydelik is, word die verskyning daarvan versnel deur sonblootstelling. Omdat ons dikwels nie sonskerm om ons oë aanwend nie, wys plooie vinniger hier.
DIE OPLOSSING Bedags is ’n oogroom met ’n sonbeskermingsfaktor (SBF) noodsaaklik. Bestanddele soos retinol en peptiede wakker kollageenvorming aan, terwyl hialuronsuur die vel opplomp sodat lyntjies ligter lyk. Vermy dit ook om hardhandig aan jou oë te vryf en dra altyd ’n sonbril wanneer jy in die buitelug is.