DROOGHEID EN ROOIHEID
DIE OORSAAK Omdat die vel om jou oë dun is en minder oliekliere bevat, is ekstra hulp nodig om die vel hier gehidreer te hou. ’n Verlies aan vog beteken die vel voel droog en geïrriteerd en fyn lyntjies wys vinniger. Die gebruik van verkeerde produkte en die hardhandige verwydering van ooggrimering kan ook lei tot rooiheid en droogheid.
DIE OPLOSSING Soek ’n oogroom met galambotter, seramied en hialuronsuur om jou vel te voed en bevog. As jy in jou vroeë 20’s is en wonder watter oogroom om mee te begin, is ’n bevogtigende een jou beste opsie, sê Yolandé.