Groen groente met hollandaisesous
(bl. 98) Luuks en heerlik. genoeg vir 6
3 eiergele
500 g botter, gesmelt sap en gerasperde skil van 2 suurlemoene sout en varsgemaalde swartpeper 200 g vars aspersies
200 g groenbone
200 g suikerertjies
Bring ’n pot met ’n bietjie water tot kookpunt en sit ’n glasbak bo-op – die bodem van die bak moenie aan die water raak nie. Verlaag hitte tot water stadig prut. Plaas eiergele in bak en klits met ’n draadklitser tot lig en romerig. Gooi botter stadig by terwyl jy klits en hou aan klits tot mengsel dik en romerig is. Haal bak van hitte af. Voeg sap en skil van suurlemoen by. Geur goed met sout en swartpeper na smaak. Bring nog ’n pot water tot kookpunt.
Sit groente in kookwater. Laat vinnig kook vir 1 minuut tot sag maar nog krakerig. (Al dente, soos die Fransman sal sê!) Dreineer en plaas op dienbord. Geur goed met sout en peper. Skep hollandaisesous oor en sit voor.