Pistasieroomys met kruisementsjokoladesous
(bl. 101) Daar is darem net iets spesiaals aan roomys met sjokoladesous; dit torring daai nostalgietoutjie gou los. genoeg vir 6-8 500 ml water
200 g (250 ml) suiker sap en gerasperde skil van 3 suurlemoene
500 ml dubbelromerige Grieksestyl jogurt
10 ml vanieljegeursel
50 ml pistasieneutbotter (sien Kosdinge hiernaas) of 100 g pistasieneute
SOUS
125 ml room
6 kruisementblare, fyngekap
100 g donkersjokolade, fyngekap
Verhit water, suiker, sap en skil van suurlemoen tot kookpunt en roer tot al die suiker opgelos het. Verwyder van hitte, voeg jogurt, vanieljegeursel en pistasieneutsmeer (of neute) by en puree met staafmenger tot gladde mengsel. Gooi mengsel in vriesbestande bak en plaas in vrieskas. Roer elke 15 minute met draadklitser, en hou so aan tot die mengsel dik en romerig is. Smeer gelyk en vries tot heeltemal hard. Sous Bring room en mentblare tot kookpunt en gooi oor gekapte sjokolade. Roer tot gladde sous vorm. Skep balle roomys in bakkies en sit voor met sous.