NUUT IN BLOU
Dis dieselfde gehalte en dis nog net so lekker, maar Clover Vars Melk het ’n nuwe, vars voorkoms. Kry joune in hul splinternuwe blou bottels
Het jy onlangs iets blou op die melkrak in jou supermark opgemerk? Wanneer jy weer winkel toe gaan om jou bottel Clover Vars Melk te koop, wees op die uitkyk vir die nuwe ligblou bottel met nuwe illustrasiemateriaal waarin die melk te kry is. Dit is steeds dieselfde gehalte waarop jy vertrou en waarvoor jy lief is, maar met ’n nuwe, vars voorkoms.
Ja, ook die smaak en voedingswaarde is dieselfde, die nuwe bottel het net ’n nuwe kleur en ’n paar kosmetiese veranderinge.
Diegene wat minder melk gebruik, het boonop nou ’n groter keuse met die bekendstelling van ’n 1,5 liter-bottel Clover Vars Melk – te kry in dieselfde blou en net die regte grootte vir paartjies of klein gesinne.
Dieselfde topgehalte
Clover Vars Melk is uniek. Nie alle melk is dieselfde nie, daarom kan jy gerus wees en goed voel omdat jy die beste produk kies wat die natuur kan produseer. Alles danksy die streng toetse en vervaardigingsprosesse waaraan dit onderwerp word. Elke liter Clover Vars Melk gaan deur 55 toetse vir gehalte om te verseker jou melk is propvol smaak en voedingswaarde. Plus, die melk bly langer vars!
Langer vars
Die verlengde raklewe wat Clover waarborg, maak die koop van hul vars melk ’n slim keuse. Clover maak seker jou melk bly vars van die plaas tot die tafel – en langer. ’n Belofte wat reeds begin by die manier hoe die melk in die tenk op die plaas beland, gevolg deur ’n streng suiweringsproses en verkoelingsmetode. Clover Vars Melk kan vars bly vir tot 18 dae en die Ultra-gepasteuriseerde Melk vir tot 30 dae vanaf die dag van verpakking.