Ruimte FIKS!

Ruimtevaarders wat lank aan boord van die internasionale ruimtestasie is, moet gemiddeld twee uur per dag oefen. Dis om die negatiewe effek van gewigloosheid op die liggaam teen te werk:

Onder meer om die verlies aan beendigtheid en spiere te verminder en die hart gesond te hou. Oefentoerusting moet spesiaal aangepas word. Só dra hulle ’n harnas wat aan ’n trapmeul vasgemaak word vir draf. Die apparaat is ook so gemaak dat die ruimtetuig beskerm word teen die vibrasies van hul voetslae. (O ja, jy sweet ook in die ruimte. Dit kan net nie van jou afrol nie.) Bronne: nasa.gov, asc-csa.gc.ca