Leesdinge
Kruie word al vir duisende jare as natuurlike geneesmiddel ingespan. Deesdae word dit al hoe gewilder om kruiemiddels te gebruik vir ’n gesonder lewe. Ek het met kruie grootgeword. My ouma het vir alles ’n raat gehad: kamilletee vir kalmte, gemmertee vir naarheid, rooibostee met baie suurlemoen en heuning vir seerkeel en verkoue. En natuurlik die gevreesde kasterolie!
Die boek fokus op vrouegesondheid en die kwale wat in die verskillende siklusse van haar lewe voorkom en watter natuurlike kruiepreparate daarvoor ingespan kan word. Insiggewend is die uitgebreide hoofstuk oor menstruasie, waarin krampe, seer borste, hoofpyn, opgeblasenheid en buierigheid onder die kollig kom. Die resepte vir tee, tinkture, salwe en kompresse is eenvoudig, maklik om te maak en te gebruik. Die skrywer waarsku dat natuurlike middels met oorleg gebruik moet word. ’n Goeie gids en aanwins vir jou boekrak.
wie kwaad word sonder rede moet goed word sonder troos
Uit Johann van der Walt se gedig “dinge wat ongetiteld wil wees” in sy bundel parlement van uile (Naledi, R240)