EKOVRIENDELIKE PARFUUM
Wie sal ooit Calvin Klein CK One, die gewilde uniseksgeur van die negentigerjare, vergeet? Probeer nou die nuwe “geslaglose” CK Everyone (R1 365 vir 200 ml EDT), ’n skoon sitrusgeur met lemoenolie, gemmer, waternote en sederhout. Die geur is boonop ontwikkel met die omgewing in gedagte: al die bestanddele is veganisties en hoofsaaklik van natuurlike oorsprong. Die glasbottel is herwinbaar en getooi met ’n rek wat byvoorbeeld as ’n haarrekkie gebruik kan word. By uitsoektakke van Edgars en Edgars Beauty. – Suanné Mulder