MONICA HOU VAN

Ek wou graag ’n grimeerverwyderingslappie beproef in ’n poging om minder vullis te genereer in my skoonheidsroetine. Die Glovlaphandskoen het my beïndruk. Dit bevat stervormige mikrovesels wat grimeerdeeltjies vasvang. Jy maak bloot die handskoen nat met water en vryf dit liggies oor jou hele gesig om onderlaag, poeier en ooggrimering in ’n kits te verwyder. Die handskoen is boonop vir tot drie maande herbruikbaar. Ek hou veral van die Glov Makeup Remover & Skin Care Travel Set (R429), wat ook ’n reissakkie en ’n spesiale magnetiese reiniger vir jou handskoen bevat. By Dis-Chem en sparklesa.co.za

Noudat dit warmer word, kan jy jou romerige reiniger verruil vir een met ’n sagte jelformule, soos die Beaucience Botanicals Cleansing Gel (R100). By uitsoek-gesondheidswinkels en -apteke of beaucience.co.za