Capreseslaai
Hierdie slaai bly ’n redder in my lewe, altyd! Dis eenvoudig, dis vars en dis lente.
genoeg vir 6
6 groot tamaties van jou keuse, in skywe gesny
2 balle sagte mozzarellakaas, in skywe gesny
18 groot basiliekruidblare
100 ml balsemasyn
100 ml olyfolie sout en varsgemaalde swartpeper
Pak tamatie, mozzarella en basilie om die beurt op ’n dienbord soos op die foto. Sprinkel balsemasyn en olyfolie oor. Geur goed met sout en peper. Sit voor.