TEM JOU suikertand
Probeer drie dae geen suiker gebruik nie, vas oornag 12 tot 14 uur en hou op eet twee uur voor jy gaan slaap. Dit sal die ongebreidelde behoefte na nóg soet die nekslag toedien. Herhaal die proses elke keer wat jy voel jy “verloor beheer”. Breek jou vas met ’n maaltyd sonder koolhidrate. Soos ’n groot omelet met tamaties, uie, avokado, kaas en varsgekapte pietersielie of basiliekruid in plaas van pizza. Eiervruglasagne, murg-vangroente-spaghetti met ’n tamatiesousbasis en gerasperde parmesaan, en groot sampioene met gesmelte kaas verskaf die geure en smake van “trooskos” sonder die kilojoules. Bron: Mariza van Zyl