MOENIE BOEKE BRAND!

Moenie boeke in die mikrogolf sit nie, was die Kent-distriksbiblioteek in Michigan se versoek onlangs op Facebook. Skynbaar wil mense só klaarspeel met enige besmetting deur die coronavirus. Die boek kan egter aan die brand slaan as gevolg van die radiofrekwensieidentifikasiestrokie waarmee dit toegerus is. (Meer doeltreffend as ’n strepieskode.) Die biblioteek wag glo 72 uur om seker te maak alle kieme is dood voor hulle die boek weer in die rak sit. ’n Tydige waarskuwing noudat biblioteke plaaslik weer oop is! Bron: mentalfloss.com