SO SÊ HULLE OP
SARIE.COM
Die Kwesbares
Ek sê elke keer dis die laaste keer. Jy gaan my nie weer uitvang nie. Maar ja, ek is bang om vas te val in die loslitstyl. Die Staal Burger Noir is vreeslik lekker, kommerloos, selfs minagtend teenoor literêre voorskrifte, in teenstelling met Drienie, Kapabel en Jan Ellis se meer alledaagse style. Dit sal my hart breek om Die Sluiper uit sy pensioenarisparadys te ruk.
Die Sluiper probeer aanpas in civvy-straat. Sy oorgang van blindelingse bloeddors na afgemete wraak is ’n moeilike stap vir hom. In al drie boeke graviteer hy tussen karma en iets wat meer natuurlik is vir hom: om die vyand te slag. Sy nuwe lewe is die soeke na betekenisse weg van die apatie waarop hy hom roem. Hy vind dit in Tes, met ’n adolessente wanbalans tussen liefde, seks en dit wat hy vermoed hy nie weet nie. Amper gee ek die einde weg.
Lees die volledige onderhoud met Steve op SARIE.com