VROUE VAT HANDE
Covid-19 het tot ’n nuwe era van digitale aktivisme gelei – en vroue was in die voorste linies as betrokke burgers, aldus die Global Civic Engagement-indeks van die internasionale organisasie Change.org.
In SA het vroue in 2020 meer aanlyn petisies as mans begin, en die petisies wat van 2019 tot 2020 deur vroue begin is en geslaag het, het drievoudig toegeneem vergeleke met dié van mans. Een so ’n geslaagde veldtog was deur #1000Women1voice (met 45 000 ondersteuners), wat die regering versoek het om hul hande van sopkombuise – baie gelei deur vroue – af te hou. Bron: Change.org