HAAL ASEM
Dit is vandag my eerste dag af in vyf maande. Hierdie jaar met al sy Covid-dinge het my so bedrywig gehou dat ek skaars kon asemhaal. Probleem en uitdaging ná uitdaging het opgeduik, en toe het ek net besef ek kort ontsnapkans.
Dis ’n nuwe seisoen en miskien is daar ’n bietjie
hoop vir die res van die jaar. Ek is vanoggend na my gunsteling-skoonheidsterapeut, en al was dit ’n bietjie anders, was dit ongelooflik om ’n slag bederf te word. Dit het my soos ’n nuwe mens laat voel. Iets normaals wat ek gereeld in die verlede gedoen het, is nou ’n uitgesoekte treat. Hulle was vriendelik, professioneel
en verskriklik bly vir die besigheid, en dit het my sommer ook beter laat voel.
Ek dink ons kort almal ’n blaaskans. Ja, finansies is knap en ons weet nie wat nog vir ons voorlê nie, maar ons moet iets vir onsself ook doen. Lees jou tydskrif, gaan stap in die natuur, drink jou glasie wyn en haal asem.
Louise Buttner, Durbanville