Simone Myburgh
Jy het al vyf keer vir SARIE Voorbladgesig ingeskryf
Ek het net nie opgegee nie. Ek het nog altyd gedink miskien gebeur dit. En wraggies, toe is vanjaar die jaar! Ek was over the moon toe SARIE my bel en sê dat ek ’n finalis is. Die fotosessie was alles waaroor ek gedroom het – en nóg meer.
Jy is sestien jaar getroud en het twee seuns
Ek wil hê my seuns moet in hulself glo. Jy gaan in die lewe mense kry wat vir jou sê jy kan nie dít doen nie, dáái is onmoontlik. Always believe in yourself, daar is te veel naysayers en dream stealers daar buite. Ek glo as jy voel iets is jou passie en doel in die lewe, dan moet jy honderd persent daarvoor gaan. My man het my nog altyd geïnspireer en in my geglo. Hy sê ook altyd: “Waar staan dit dat jy iets nie kan doen nie?”
Jy was in 2019 Mev. Gauteng
Skoonheidskompetisies gee my’ n platform om ander vroue te bereik; dit gee my die kans om jong meisies te inspireer om ook hul drome te volg. Ek het nie ná skool gaan studeer nie, want ek het gevoel ek is nie slim genoeg nie. Maar op dertig het ek besluit om by Unisa in te skryf en my bemarking s diploma gekry. Ons moet ophou om onsself te beperk!
Jy het ’n passie vir mode en modeontwerp
Ek is mal oor die kreatiewe aspek daarvan. Ek wil graag eendag my eie aanlyn besigheid begin waar ek klere verkoop.
’n Salonbehandeling beteken vir jou . . .
Vir my vel of naels ’n lekker bederf. Dit gee my selfvertroue ’n hupstoot, rond my voorkoms mooi af, en dit laat my sommer reg voel vir enige uitdaging.