5 WENKE OM die regte PAAR TEKKIES TE KIES
Volg hierdie wenke en raadpleeg jou naaste sportwinkel.
WENK 1: MAAK SEKER DIS
VIR DRAF
Anders as jou gewone dra- of modetekkies, is draftekkies spesifiek ontwerp om te keer dat jy ’n ernstige besering opdoen. Dit absorbeer nie net die skok nie, maar bied ook ekstra ondersteuning vir jou voet. As jy hou van mooi skoene, wees gerus, daar is baie mooi draftekkies op die mark.
WENK 2: DIE REGTE PASMAAT IS NOODSAAKLIK
Dit klink vanselfsprekend, maar as jou tekkies nie reg sit of pas nie, gaan dit jou hele draf-ervaring bederf. WENK Die beste tyd om tekkies aan te pas is in die namiddag of aand. Hoekom?
Jou voete is geneig om te swel gedurende die dag en wanneer jy draf, dus sal jy later die dag weet as die tekkies jou voete druk.
Jy kry ’n “skraal” tekkie en ’n “wye” tekkie. Gewoonlik is mans se tekkies ’n D, terwyl vroue s’n ’n B is.
WENK 3: KIES DIE REGTE TIPE TEKKIES
Ons het gesê dis ’n wetenskap. Jy kry drie tipes: elkedag, liggewig, grondpad (trail).
Elkedag: Geskik vir grondpad tot teerpad. Dit hou langer en is duursaam.
Liggewig: Vir diegene wat vinniger wil hardloop of aan wedlope deelneem. Hierdie tipe tekkie moet vinniger vervang word.
Grondpad: Die greep van die sool is beter en die bokant sterker om weerstoestande en uitdagende terrein te kan weerstaan.
WENK 4: WEET WAARVOOR JY BETAAL
Duur beteken nie dit pas jou voet of vereistes nie. Die meeste winkels het ingeligte assistente wat jou kan help om ’n keuse te maak.
WENK 5: HOOGTE
Party mense verkies ’n minimale kussing tussen hul voet en die grond, ander ’n dikker laag vir beter skokabsorpsie.
MAGDEL MULLER
UNSPLASH