DIEP SLAAP ’N MOET

Van die belangrikste prosesse vir jou lyf saans is die vrystelling van menslike groeihormone, wat hoofsaaklik plaasvind wanneer jy in die diepslaap-fase van jou slaapsiklus is, sê dr. Bradley Wagemaker, mediese direkteur van Lamelle Research Laboratories, die maatskappy wat die plaaslike velsorgreeks Lamelle vervaardig. Dié groeihormone stuur seine na jou vel om jou velstruktuur te herbou sodat lyntjies versag en jou vel fermer en meer elasties is. Hoe minder en slegter jy slaap, hoe minder tyd spandeer jy in die diepslaap-fase, wat oor tyd fyn lyntjies en plooie meer sigbaar maak en jou vel van binne en buite vroeër laat verouder.