Suikerbekkiekoek
420 g (750 ml) bruismeel
5 ml koeksoda
1 ml sout
250 ml sonneblomolie
400 g (500 ml) suiker
4 eiers
320 g (750 ml) gerasperde wortel 1 blik (440 g) fyn pynappel, gedreineer
3 piesangs, fyngedruk
VERSIERSEL
1 houer (250 g) gladde maaskaas 100 g (190 ml) versiersuiker, gesif
Verhit oond tot 180 °C. Spuit patroonpan met volume van 2 liter met kleefwerende kossproei. Sif bruismeel, koeksoda en sout saam. Klits dan olie, suiker en eiers saam. Voeg oliemengsel by droë bestanddele en meng goed.
Vou wortel, pynappel en piesang by beslag in. Skep beslag in voorbereide pan en bak vir 35-40 minute of tot ’n toetspen skoon uitkom. Keer uit op draadrak en laat afkoel. Versiersel Klop maaskaas en versiersuiker saam. Skep op afgekoelde koek en sit voor.