Tuiskokke! RAAK SLIMMER MET SARIE
Jy het al sy resepte in SARIE en SARIE KOS bewonder en hom op TV gesien, nou kry jy die kans om deur hom touwys gemaak te word. Skryf in vir SLIMMER MET SARIE se aanlyn kookkursus deur Herman Lensing!
SLIMMER MET SARIE is ’n splinternuwe aanlyn projek wat enige entoesias in die kombuis die kans gee om meer oor hul stokperdjie te leer of nuwe vaardighede baas te raak. In ons eerste kursus leer Herman Lensing, kosredakteur van SARIE en SARIE KOS, saam met ’n paar ander kenners vir jou 13 onontbeerlike tegnieke. Herman gaan vir jou moeilike sjefstegnieke wys sodat jy dit in jou eie kombuis kan oefen. Hierdie is nie ’n gewone kosdemonstrasie nie; dis die beginsels van kook en bak, die grondslagtegnieke waarsonder geen sjef in die kombuis sal regkom nie. Die kursus sluit alles in wat jy nodig het: die resepte, wenke, raad en tegnieke om van jou ’n sjef te maak. Jy voorsien jou eie bestanddele.