Remembering Great Apes

Wildlife Photographers United (Remembering Wildlife, versprei deur HPH Publishing, R980)

Dié derde boek in die Remembering Wildlife-reeks van vier fokus op die groot ape van ons planeet. Die ander boeke in die reeks is Remembering Elephants, Remembering Rhinos en Remembering Lions. Uit die verkope van die asemrowende reeks is reeds meer as R13 miljoen ingesamel vir bewaringsprojekte in Afrika en Asië. Die foto’s word deur top-natuurlewefotograwe geskenk as hul bydrae om mense bewus te maak van die benarde lot van die diere wat op hul foto’s verewig is en om hulle te help bewaar.

Ek was bewoë terwyl ek deur die portrette van die gorillas, orangoetangs, sjimpanees en bonobo’s (pigmee-sjimpansees) geblaai het. Die emosies op hul gesigte is so naby aan dié van mense, hul gevoelvolle oë . . . Woorde kan nie beskryf hoe diep die foto’s my ontroer het nie. Die pragboek kry ’n ereplek in my huis waar ek dit heeltyd naby my kan hou. Phyllis Green

Vir meer oor die Remembering Wildlife-projek, besoek SARIE.com