Kosdinge

genoeg vir 6-8

1 gepekelde beestong 2 uie, in skywe gesny 2 wortels, in ringe gesny 8 swartpeperkorrels

VONKELWYN-MOSTERD 80 ml mosterdpoeier 60 ml witwynasyn 60 ml vonkelwyn

180 ml suiker

8 eiergele

10 ml botter

Week tong vir 3 uur in ’n kastrol met koue water. Gooi water af en bedek tong met skoon water. Voeg uie, wortels en peperkorrels by. Kook stadig tot sag, sowat 60-90 minute. Trek vel af terwyl tong nog warm is en laat in eie vloeistof koud word. MOSTERD Plaas mosterdpoeier, asyn, vonkelwyn, suiker en eiergele in ’n glasbak en meng. Plaas oor ’n pot met kokende water – die water moenie aan die glasbak raak nie – en roer tot mengsel dik en gaar is. Verwyder van hitte en meng botter by. Laat afkoel. Sny met ’n skerp mes koue tong in skywe van 5 mm dik. Pak op dienbord en skep lepels vol mosterd oor. Garneer met vars kruie van jou keuse.