Gesig van die maand: Trevor Noah
TREVOR NOAH
’n Klein begin in 2002 met ’n rol in Isidingo, toe ’n eie radioprogram op YFM en Tonight with Trevor Noah op M-Net . . . Maar dit was ’n dare om as skerpskertser op die verhoog te verskyn wat die seun van Soweto een van Hollywood se grotes sou maak. Met sy eenmanvertonings plaaslik ’n sukses, neem Trevor Noah That’s Racist in 2011 oorsee en beland op The Tonight Show, die eerste Suid-Afrikaner nóg. Sy internasionale deurbraak kom in 2014 toe hy mede-aanbieder van The Daily Show saam met
Jon Stewart word en in 2015 die stoel oorneem. Sedertdien kry die wêreld nie genoeg van hom nie. Sy 2015-outobiografie, Born a Crime, was ’n New York Times-topverkoper en tans word dit in ’n fliek omskep met Oscar-wenner Lupita Nyong’o as sy ma, Patricia.
2020 was ook vir hom ’n moeilike jaar met verskeie vertonings wat gekanselleer is. Maar as een van die hoogs betaalde komediante tans, volgens Forbes, en as aanbieder van die Grammys in 2021 het hý baie om oor te glimlag.