Ons wêreld

Op 24 Oktober 2020 is die Mej. SA-wedstryd die eerste keer in 30 jaar in Kaapstad gehou. Die geleentheid is virtueel uitgesaai vanuit die Table Bay Hotel in die V&A Waterfont, waar die 10 finaliste ook tuisgegaan het. Ná 7 maande van inperking het die 5-ster-hotel op 30 Oktober weer sy deure vir die publiek geopen – met uitgebreide gesondheids- en veiligheidsprotokolle in plek, gebaseer op aanbevelings van plaaslike en internasionale kundiges. Die elegante kamers bied onoortreflike uitsigte op Tafelberg of die baai, al wat jou te doen staan is om jou skoene uit te skop, te ontspan en die vriendelike personeel toe te laat om jou soos ’n koningin te behandel. Vir meer inligting besoek suninternational.com of volg hulle op Instagram: @tablebayhotelsa, Facebook: @TheTableBayHotel Twitter: @TableBayhotelSA – Maresa Pretorius

Lees ook bl. 8 en Shudu se SARIE.com-onderhoud op bl. 80.

FOTO INDIRECT MEDIA Shudufhadzo Musida, Mej. SA 2020, kort ná haar kroning by die Table Bay Hotel.

Kamers word daagliks geseël as bewys dat dit skoongemaak en ontsmet is voor gaste die kamer binnegaan.