MELVILLE KOELSTE SA BUURT

Melville in Johannesburg het die lys van 40 koelste woonbuurte in die wêreld gehaal – op nr. 33 die enigste Suid-Afrikaanse buurt. Die internasionale stadsgids Time Out het nie net gefokus op ’n buurt se unieke atmosfeer – kos, kultuur, kuns en gemeenskap – nie, maar ook op hoe mense tydens die pandemie saamgestaan het. In Melville het plaaslike vrywilligers gedurende die eerste vier grendelmaande in samewerking met die Viva Stigting 300 000 etes aan behoeftiges verskaf. Nr. 1 is Esquerra de l’Eixample in Barcelona, Spanje. Inwoners het saam die weerloses gehelp en met gereelde danspartytjies op balkonne die moreel hoog gehou.