VYFTIG PLUS VOL PRET
Ek herrangskik ons boekrak wat oorvol geraak het deur die jare. Soos alle boekrakke weerspieël die boeke ook my en my man se persoonlikheid.
Nie-fiksie maak negentig persent uit van die boeke. Ons al twee is groot realiste, buitelugen sportentoesiaste.
Tog is daar so
’n klein plekkie in ons leessmaak wat nie voorspel kan word nie. My man se verrassende belangstelling is kalligrafie en poësie, en dan is daar my eie geheime bewondering vir die akteurs en aktrises van die jare sestig, sewentig en tagtig. En so ontdek ek weer my twee plakboeke wat ek as jong meisie en later as jong vrou saamgestel het met inspirerende foto’s van hul glorieryke films en hul doen en late.
Filmhelde en -heldinne soos Liz Taylor, Robert
Redford, Jane Seymour, Tom Selleck en vele ander. Maar tog het tyd alles kom verander – vir hulle en ook vir my.
Dié wat nog lewe se grootste dryfveer is dalk nog ’n verjongingsoperasie wat mag werk, terwyl myne soveel makliker is. In elke
SARIE vind ek steeds bekostigbare inspirasie in kleur en geur om my “vyftig plus” net weer “fun-tasties” te laat voel. Connie Garrard, Kaapse Hoop (distrik Nelspruit)