Maresa Pretorius, kunsdirekteur

Gemaklike glans – dis hoe ek hierdie viering opsom. Jy kan die warmte van die samesyn deur die kameralens aanvoel. Ek is mal oor die rok. Dis vleiend vir enige figuur, met driekwartmoue wat perfek is vir die wispelturige weer aan die Weskus. Die speling van teksture tussen druppelvormige blinkers en sagte materiaal weerspieël die natuur om hulle – see en fynbos – sonder om uitspattig te wees. Die V-rugkant is ’n verrassing.