Ietsie moois vir teetyd

Wie onthou Ouma se mooi teekoppies van fyn porselein wat in die uitstalkas in die voorhuis gebêre is? SARIEmooi gee daardie trend ’n eietydse kinkel met hierdie besonderse teekoppie-en koekbordjie stel.

Dis asof die wêreld ná die Covid-inperking weer die belangrikheid besef van spesiale oomblikke saam met vriendinne, of ’n oomblik se wegkom van die kantoor – al is die kantoor dalk nou drie tree in die gang af.

SARIEmooi meng die romantiek van elegante teekoppies uit ’n fyn teestel, met parmantige, trendy ontwerpe wat die hedendaagse vrou se oë sal laat vonkel.

Die SARIEmooi-teetydstel is deur Linette Coetzee van Kempton Park ontwerp en word deur Lavish’d, die aanlyn winkel van die Suid-Afrikaanse maatskappy Inter Table Top, vervaardig. Linette skets haar unieke ontwerpe met ’n gewone balpuntpen. Die eindproduk het kleurelemente wat aan die Delftse ontwerpstyl herinner, maar tog eietyds, aweregs en tong-in-diekies is.

Die stel, wat uit ’n teekoppie, piering en koekbordjie bestaan, kom in ’n pragtig ontwerpte geskenkboks en is die ideale geskenk aan jouself of ’n vriendin. Dit kan in die skottelgoedwasser gewas word en is teen afsplintering behandel. Teen R150 per stel, koop een of sommer al vier ontwerpe.

LAVISH’D IS DIE AANLYN PLATFORM

van die SuidAfrikaanse maatskappy Inter Inter Table Top Company (Pty) Ltd, wat die afgelope veertig jaar eksklusiewe ontwerpe aan kliënte soos Gordon Ramsay, Marks & Spencer, Carrol Boyes en Jenna Clifford lewer. Die maatskappy het ’n aandeel in van die beste vervaardigers van tafelware ter wêreld, en lewer topgehalte porselein, erdeware, glasware en messegoed.