JY HET NIE ’N PLAN NIE

Elkeen moet ’n plan hê – vir hul lewe en hul geld. Jou geld en jou lewe is verweef, jy kan geld nie in isolasie beskou nie. Begin deur te visualiseer hoe jou lewe moet lyk. Maak ’n droombord. Dit verg baie introspeksie. Vra jouself byvoorbeeld af: Waar wil ek woon? Watter tipe werk sal my die meeste vervul? Wil ek voltyds of fleksietyd werk? Wat is my drome vir my kinders en uitgebreide familie? Watter drome wil ek najaag? Hoe belangrik is my verhoudings en hoeveel tyd wil ek daarin belê?

Sodra jy weet hoe jy jou lewe wil leef, beplan dan daarvoor en besluit waar en hoe jy jou geld gaan gebruik om dit te laat gebeur.