Baba-aartappels met Afrika-geure
genoeg vir 6-8
750 g-sak baba-aartappels
10 ml fyn komyn
10 ml fyn gemmer
10 ml swartpeper
5 ml fyn koljander
5 ml cayennepeper
5 ml wonderpeper (allspice)
3 ml fyn naeltjies
500 ml room sout en varsgemaalde swartpeper 50 g parmesaankaas, fyngerasper
Halveer aartappels en plaas in pot met koue water. Bring tot kookpunt en kook vir 15-20 minute tot aartappels sag en gaar is. Dreineer. Plaas al die speserye in groot pot oor lae hitte en roer tot geurig, sowat 1 minuut. Gooi room by en verlaag hitte. Laat prut vir 10-12 minute of tot mengsel met helfte verminder het. Geur met sout en peper. Gooi gaar aartappels by room en meng deur. Sprinkel kaas oor en keer uit op dienbord. Sit voor.