ANDERSTE BEETSLAAI
genoeg vir 6-8
1 kg beet (sowat 8)
80 ml olyfolie
5 ml heel komynsaad 1 rooi-ui, in skywe gesny 30 ml versuikerde sitrusskil, fyngekap
30 ml suurlemoensap
3 takkies vars dille, fyngekap sout en varsgemaalde swartpeper 180 ml jogurt
45 ml tahinismeer
Verhit oond tot 200 °C. Skil bete en draai elkeen apart toe in foelie. Plaas op oondroosterplaat en bak vir 40-45 minute of tot beet sag en gaar is. Terwyl beet bak, verhit olyfolie tot warm in braaipan. Voeg komyn by en braai ’n paar sekondes. Plaas warm olie in slaaibak en voeg uie, skil, sap en dille by. Meng deur. Haal beet uit oond en laat effens afkoel. Haal uit foelie en sny beet in kwarte. Voeg beet louwarm by uiemengsel, geur goed met sout en peper en maak bak toe. Laat oornag marineer in yskas. Sit voor: Meng jogurt en tahini. Plaas beet op dienbord en skep jogurt oor. Garneer met vars kruie soos kruisement.