PEKANNEUT-ENKANEELPAMPOENDOUGHNUTS

genoeg vir 6-8

KARAMELSOUS

200 g (250 ml) suiker 75 g (80 ml) botter 100 ml water

250 ml room

DOUGHNUTS

350 g (625 ml) koekmeel

10 ml bakpoeier

2 eiers

200 g (250 ml) suiker

6 ml gemengde speserye

15 ml botter, gesmelt

240 g (250 ml) gaar pampoen, fyngedruk

250 ml melk

100 g pekanneute, fyngekap sonneblomolie vir diepbraai

KARAMELSOUS Bring suiker, botter en water tot kookpunt in middelslagpot. Roer oor lae hitte met houtlepel tot suiker opgelos het. Verhoog hitte en kook tot goue karamel vorm, sowat 8-10 minute. Meng room by en bring weer tot kookpunt. Hou eenkant.

DOUGHNUTS Voeg meel, bakpoeier, eiers, suiker, speserye en botter by pampoen en meng met houtlepel. Voeg melk en neute by en meng deeglik. Verhit olie van minstens 10 cm diep in groot pot – moenie die olie te warm maak nie. Doop ’n roomyslepel in die warm olie, skep ’n lepel vol pampoenbeslag en laat dit uit die lepel in die olie gly. Herhaal tot die oppervlak van die olie vol is. Plaas deksel op pot en braai 5 minute. Draai doughnuts om en plaas deksel terug op pot. Herhaal tot al die doughnuts goudbruin en gaar is. Stel plaat laer as die olie te warm raak, anders gaan deeg brand voor dit gaar is binne. Dreineer op kombuispapier en sit voor met karamelsous.