ROOMYS-ENVRUGTEKOEKTERRIEN
Die nagereg lyk indrukwekkend, maar jy maak dit in ’n japtrap danksy SPAR se produkte uit hul Freshline-reeks.
genoeg vir 8-10
1 x 850 g SPAR Freshline Genoa Christmas
Fruit Cake
1 liter SPAR Vanilla Ice Cream
400 g SPAR Freshline Christmas Trifle Sponge 365 g SPAR Caramel Treat
125 g SPAR Freshline Raspberries
125 g SPAR Freshline Blueberries
Voer ’n broodpan van 20 x 10 cm met kleefplastiek uit. Pols vrugtekoek tot growwe krummels in voedselverwerker. Skep roomys in groot mengbak en roer met houtlepel tot sag maar nie heeltemal gesmelt nie (dit moet die tekstuur van draairoomys hê). Voeg vrugtekoekkrummels by roomys en meng deur. Sny sponskoek in skywe van so 1 cm breed en pak in ’n enkellaag op die bodem van die broodpan. Skep ½ van roomys bo-op en smeer gelyk. Pak ’n tweede laag sponskoek bo-op, gevolg deur roomys en smeer weer gelyk. Pak laaste laag sponskoek bo-op. Plaas oornag in vrieskas. Keer uit op dienbord en verwyder kleefplastiek. Skep karamel in spuitsak met 1 cm-roostuit en spuit rosette bo-op. Pak vars frambose en bloubessies bo-op en sit terrien voor.