VAKANSIE

hartsindroom

Nee, niks met vakansieromanse uit te waai nie. Dié term is geskep om te verklaar hoekom meer mense hierdie tyd van die jaar by hospitale se noodgevalle-eenheid aanklop met klagte van ongereelde hartritmes (atriale fibrillasie of A-fib). Dis boonop dikwels mense met geen onderliggende hartsiekte nie. Daar word gereken dis van die elmboog te veel lig. Dit kan ’n kortsluiting van die hart se elektriese sisteem veroorsaak, elektrolietvlakke (of soute) in die bloed verander en die vrystelling van streshormone (soos adrenalien en kortisol) vermeerder. Jy hoef ook nie stormdronk te wees nie. Drie of meer drankies en jou risiko daarvoor neem toe. Bron: cnn.com