Ek het vergeet, vergeet hoe mens jou blootstel, hoe jy jou laat beseer deur onmatig van ’n ander mens te hou

Uit “Stilte” deur Elisabeth Eybers in die bundel Vers & Vrou (Human & Rousseau, R290)

ONTHOU MY

Helena Hugo (Lux Verbi, R220)

Die opvolg op Papierblomme vertel meer van Janine en

Greg Walker se onstuimige verhouding. Janine en haar dogtertjies keer ná drie jaar in Londen terug na haar grootouers aan die Weskus. Sy moet besin oor haar verbrokkelde huwelik en die onverwagte komplikasies wat sy moet hanteer. Net toe dinge begin beter gaan, daag Greg uit die bloute uit op. Sal Janine die moed van haar oortuiging hê om die regte besluit te neem en haar tweede kans met ope arms kan aangryp?

Marion Erskine (Queillerie, R260)

Milanka dring aan haar vriendin Tillie moet haar en haar prins se droomtroue reël, sonder dat Tillie enige ervaring op dié gebied het. Kelnerin Tillie se baas by die restaurant is veeleisend, maar Milanka nog meer! Sy raak ’n bruidzilla wie se verwagtinge amper haar en Tillie se vriendskap laat skipbreuk ly. Die ligte, vermaaklike roman roer ernstige temas van vriendskap, vertroue en lojaliteit aan.

Emile Joubert

(Protea Boekhuis, R225)

Die kortverhale in dié bundel eindig almal met ’n onthutsende kinkel. Die hoofkarakter in elke verhaal staan effens verwyderd van ander mense, en wanneer hy of sy wel met iemand ’n verbintenis vorm, lei dit tot onvoorsiene gebeure – dikwels met ingrypende gevolge vir die hoofkarakter. Dis uiteenlopende verhale, boeiend om te lees en verrassend hoe dit die leser oor die lewe laat dink. Moraliteit het vir elkeen van ons ’n ander definisie. Schalk Schoombie (Protea Boekhuis, R200) Daar bestaan taamlik min wetenskapfiksie in Afrikaans. Schoombie se ryk verbeelding en vaartbelynde skryfstyl maak hierdie uitsonderlike kortverhale treffend. Scenario’s waar intelligente robotte ’n hoofrol speel, word geloofwaardig

(en skrikwekkend) geskets.

Die leser ervaar ’n futuristiese toekoms waar die lewe heeltemal anders is as waaraan ons gewoond is.

Henriëtte Linde-Loubser (LAPA Uitgewers, R250) Stela verwag niks buitengewoons wanneer sy ’n pos aanvaar om ’n moeilike tiener tuis te onderrig nie. Wat sy op Pavo, die plek van poue, vind, is allesbehalwe gewoon: ’n romantiese kasteel met ’n dwerg as butler, ’n konserwatiewe huishoudster, ’n Chinese kok en inderdaad, ’n wispelturige jong meisie. Maar dis die buierige kasteelbaas wat Stela op die agtervoet hou. Ten spyte van gerugte van spoke en iemand wat konkel om haar weg te dwing, kom Stela onder die bekoring van dié plek. ’n Boeiende gotiese roman met vreemde karakters en hul onvoorspelbare optrede.

Connie Luyt (Penguin, R280)

Elfrieda word wakker in ’n Durbanse hospitaal met geen benul van wie sy is, waar sy vandaan kom en hoe sy daar beland het nie. ’n Terloopse opmerking deur haar neurochirurg begin ’n ontstellende ontdekkingsreis om haar geheue te ontsluit. Soos sy flertse uit haar verlede onthou, ervaar sy weer die traumatiese