80 Kollig op aanvullings
Dis ’n gonswoord op die lippe van elkeen wat op soek is na ’n plomper, gesonder vel. As jy nuuskierig is oor die wêreld van skoonheidsaanvullings, hier’s wat jy moet weet
Die afgelope jaar was daar ’n ontploffing van nuwe skoonheidsaanvullings, hetsy in pilvorm of as drankie, wat beloof om jou vel van binne af ’n hupstoot te gee. Plaaslik is bekendes soos aktrise Simoné Pretorius, TV-aanbieder Therese Benade en voormalige Mej. SA en sakevrou Cindy Nell-Roberts aanhangers en drink dit graag in hul koffie, tee, vrugteskommels of net so. In die skoonheidswêreld staan die produkte bekend as “nutricosmetics”: gewoonlik ’n suiwer kollageenaanvulling of kollageen wat met ’n mengsel van ander bestanddele, soos vitamiene en minerale, antioksidante en selfs probiotika, geformuleer is.
Die groei in gewildheid van dié produkte word toegeskryf aan die wêreldwye tendens om ’n meer holistiese benadering tot gesondheid te volg, sê dr. Marisa Heyns, estetiese dokter by die praktyk Dr Nerina Wilkinson Ă Associates in Kaapstad. En dit maak sin, meen Stella Ciolli, kreatiewe direkteur van SKOON., want hoekom net belê in ’n goeie velsorgroetine wanneer jy ook op ’n dieper sellulêre vlak jou vel se funksionering kan ondersteun? Dié plaaslike velsorghuis het einde verlede jaar
’n reeks skoonheidsaanvullings in poeiervorm bekend gestel as ’n alles-in-een alternatief vir die verskeie gesondheidsaanvullings wat ons op ’n daaglikse basis neem. “Vroue se lewe is besig en ons wou ’n produk skep wat maklik by jou roetine inpas en eerstens jou mikrobioom en die regulering van hormone ondersteun, en tweedens spesifieke aktiewe bestanddele bevat wat verskillende veltoestande, soos sensitiwiteit, verminderde elastisiteit en knoppies, teiken.”
Nog so ’n aanvulling, Dear Body, berus op dieselfde beginsel. Volgens dr. Liezl Bloem, navorser en een van drie vroue wat saamgewerk het om die Dear Body
Skin Ă Gut Powder te skep, het hulle gevoel daar is nie ’n produk op die mark wat op ’n dieper vlak in jou vel se behoeftes voorsien nie. “Ons wou nie net die vel se kollageen aanvul nie, maar ook kwessies soos chroniese inflammasie verbeter en ’n gesonde spysverteringstelsel bevorder, wat alles op die ou end lei tot ’n gesonder vel.”
Ek drink sink vir gesonde hare, vel en naels, én dit is ’n wonderlike aanvulling om jou immuunstelsel te versterk teen virusse
Marciel Hopkins, aanbieder van Boer soek ’n vrou, nou te sien op kykNET (bl. 18)