84 Lyk jonger met die régte wenkbroue
Seisoen ná seisoen bly wenkbroue in die kollig. Nou nog meer as tevore. Só kry jy die vorm en tekstuur van hierdie belangrike raam vir jou gesig reg
Wenkbroue speel ’n belangrike rol in eerste indrukke. Dikwels kry ons dit reg . . . of baie verkeerd. Daar is ’n fyn lyn tussen wenkbroue wat yl en onversorg lyk, en donker, oordadige wenkbroue wat jou gesig oorweldig. “Goedversorgde wenkbroue raam jou gesig en kan jou jonger laat lyk. Die regte wenkbrouvorm met ’n boog wat geleidelik oploop, trek jou oë oop,” sê Suna Robberts, grimeerkunstenaar en modestilis van Johannesburg.