2DE VOORBLAD VIR Kamala

Die Amerikaanse Vogue het ’n tweede weergawe van hul Februarie-uitgawe gedruk nadat die voorblad van Kamala Harris, eerste swart vrou as visepresident van die VSA, wyd gekritiseer is. Die foto waarop sy swart jeans, ’n baadjie en Conversetekkies dra, is beskryf as disrespekvol teenoor die visepresident, swak belig en dat haar vel uitgewas lyk. Anna Wintour, hoofredakteur van Vogue, het seker nie swart vriende en kollegas nie, het die bekroonde dramaturg Wajahat Ali getwiet. Op die tweede voorblad – oorspronklik vir hul digitale uitgawe – dra sy ’n ligblou pak teen ’n goue agtergrond. Bron: CNN.com