WÉÉR NOMMER 1
Die Niagara-waterval in Ontario, Kanada, was die afgelope jaar weer die waterval wat die meeste op Instagram gedeel is – met 3,4 miljoen hutsmerke op dié sosialemediaplatform. Die Iguazu-waterval tussen Argentinië en Brasilië is tweede met net oor 1 miljoen plasings en Ysland se Gullfoss is in die derde plek met 329 576 Instahutsmerke. Soektogte na reisbestemmings het weens die pandemie die hoogte ingeskiet soos mense hul liefde vir reis deur die kuberruim moes bevredig. Bron: showerstoyou.co.uk