VAL VAN DIE ROMEINSE RYK

Dis die einde van een van die mensdom se grootste en magtigste wêreldryke. Rome het die grootste deel van Europa beheer, asook Wes-Asië, die vlaktes van Noord-Afrika en die vrugbare Nylvallei. Handel, kuns en kultuur het in baie van hierdie gebiede ’n eerste bloeitydperk beleef en die lewensgehalte, vlakke van geletterdheid en bevolkingsyfers was eeue lank ongeëwenaar in Europa. Baie faktore het tot die groot val bygedra, met ekonomiese probleme waarskynlik die beduidendste. Die Romeinse Ryk is in 395 n.C. in ’n oostelike en westelike deel verdeel. Die Wes-Romeinse Ryk is verlam deur ekonomiese ellendes soos hoë inflasie, hoë belasting en ’n verlies aan handel. Rome se val het die einde van die antieke wêreld en begin van die Donker Middeleeue ingelui, só genoem omdat dinge op kulturele en artistieke gebied morsdood was. Die grootste deel van Europa het in barbaarsheid verval. (Interessant, die oostelike deel, die Bisantynse of OosRomeinse Ryk, sou nog 1 000 jaar daarna staande bly.)

REGS ’n Beeld op die Piazza del Popolo, Rome, uit die neo-klassieke era (18de-19de eeu), ’n beweging wat wou terugkeer na die eenvoud en simmetrie van die antieke Grieke en Romeine.