DIE NYWERHEIDSREVOLUSIE

Die Nywerheidsrevolusie het as nadraai van die Renaissance in Brittanje begin en ná die Franse Revolusie (1789-1799) vinnig na die res van Europa versprei. Dis veel meer as vuil skoorsteenpype wat roet uitspoeg, of nuwe maniere van goedere produseer. Saam met die Tweede Nywerheidsrevolusie van 1870-1914 lei dit tot verreikende veranderinge in maatskaplike verhoudinge: die herstrukturering van grondbesit, ekonomiese mag en arbeid. ’n Middelklas word geskep wat meer goedere en dienste, insluitend openbare vervoer en toegang tot gesondheidsdienste, eis. Elke moderne gerief wat ons vandag ken, van gesondheid tot vervoer en tegnologie, is te danke aan die Nywerheidsrevolusie. Ten spyte van al die onregte wat daaruit voortgespruit het – uitbuiting, kinderarbeid (Oliver Twist, ja!), besoedeling, ens. – sou die moderne wêreld daarsonder eenvoudig nie bestaan het nie. LINKS Crystal Palace (1851-1934) in Hyde Park, Londen. Die destydse konstruksie is moontlik gemaak deur die produksie van goedkoop maar sterk glaspanele.